புனித பூமியிலே

சிங்க நெஞ்சுடைய மாவீரன் என்று போற்றப்பட்ட ரிச்சர்டு மன்னனின் வலிமை ஜரோப்பாவின் மன்னர்கள் கூட்டணியின் துணை பலத்தோடு கூட ஸலாஹுத்தீனுடைய வீரவாளின் கூரிய முனையை மழுங்கடிக்க முடியவில்லை. மூன்று ஆண்டுகள் தொடர்ந்து நடந்த மூன்றாவது சிலுவை யுத்தத்தில் 30லட்சம் படையினரை கிறிஸ்தவர்கள் பலி கொடுத்த பிறகும் கூட புனித பூமியின் மண்ணில் போராயுதம் தாங்கிய நிலையில் அவர்கள் கால் பதிய வைக்க முடியாதவர்களாக ஆனார்கள்.

ஒரு விதத்தில் சொல்லப் போனால் அந்த சிலுவை யுத்தத்தை முஸ்லிம்களுக்கும், கிறிஸ்தவர்களுக்கும் நடந்த யுத்தம் என்று மட்டும் சொல்வது பொருந்தாது. கிழக்குக்கும் மேற்குக்கும் நடந்த போராட்டம் என்று சொல்வது பொருத்தமானதாக அமையும். 12ம் நூற்றாண்டின் ஒரு பகுதியில் ஸலாஹுத்தீன் பெற்ற வெற்றி 20ம் நூற்றாண்டின் முதல் பகுதி வரை நிலை பெற்றிருந்தது.