நரவேட்டை

கனல் பூமியான தெற்குச் சீமையே கதைக்களம். ஆங்காரம் கொண்ட சீவன்கள், மழையில்லா நிலத்தின் அனல், படுகொலைக்கு அஞ்சாத பெருமீசைக்காரர்கள், ஜாதிவெறியைத் தூண்டிக் கொலைப்பழிக்கு உசுப்பிவிடும் இல்லத்துப் பெண்கள், தொன்மக் கதையாடல்கள் என நாவல் முழுக்க ஒரு வெக்கையை வாசிக்கும்போதே உணர முடிகிறது.

மனிதர்களின் வன்மம், ஆணவம், ஜாதிவெறி. கொலைவெறி, காதல், வீரம், ஈகை, கசியும் பேரன்பு என எல்லாவற்றையும் ஒவ்வொரு வரியிலும் பதியனிட்டு வைத்துள்ளார். சாமான்யர்களின் வாழ்வில் என்ன இருந்துவிடப் போகிறது என்ற மிதப்பில் முன்பு எழுதப்பட்ட பல பிரதிகளைப் போலல்லாமல், எளியவர்களின் உன்னத வாழ்வையும் எழுத்தாக்கியிருக்கிறார் சக்தி சூர்யா.