புனித நபியின் பொன்மொழிகள்

‘மிஷ்காத்துல் மஸாபீஹ்’ எனும் இந்த நூல் இமாம் அபூ அப்தில்லாஹ் முஹம்மத் பின் அப்தில்லாஹ் அல்கதீப் அல்உமரீ அத்திப்ரீஸீ (ரஹ்) (இறப்பு: ஹி. 741) அவர்கள் தொகுத்த சிறந்த ஹதீஸ் நூல் ஆகும்.

குறிப்பாக அரபு மத்ரஸாக்களில் கற்பிக்கும் ஆசிரியப் பெருந்தகையினருக்கும். மார்க்கக் கல்வி கற்கும் மாணவக் கண்மணிகளுக்கும், மார்க்கப் பரப்புரை செய்து வரும் அழைப்பாளர் பெருமக்களுக்கும் இந்த நூல் அகமகிழ்ச்சியை ஏற்படுத்தும் என்பதில் சிறிதும் ஐயம் இல்லை. ஏராளமான தலைப்புகளில் பல்வேறு ஹதீஸ் திரட்டுகளில் இருந்து ஹதீஸ்களை ஒருங்கிணைத்திருப்பது இந்த நூலின் சிறப்பம்சமாகும்.

மிஷ்காத் நூலாசிரியர் குறிப்பிட்ட ஹதீஸ்கள் வேறு நூல்களில் பதிவாகி இருந்தால் அதனை அடிக்குறிப்பில் கொண்டுவந்துள்ளோம். ஸிஹாஹ் சித்தா நூல்களுக்கு ரஹ்மத் பதிப்பகம் வெளியீட்டு எண்களையும்,மற்ற நூல்களுக்கு மிர்காத் விரிவுரையின் அடிக்குறிப்பில் உள்ள எண்களையும் கொடுத்துள்ளோம்